Татарстанда бүген төнлә көчле җил белән буран көтелә

Иртәгә көндез Казанда 2 градус салкын булыр дип фаразлана

Татарстанда бүген төнлә кар явуы көтелә, урыны белән җилнең 17 м/с ка кадәр көчәюе көтелә. Термометр баганалары -1..-6 градуска кадәр төшәчәк, төнлә һәм иртәнге сәгатьләрдә томан булырга мөмкин. Көндез явым-төшем фаразланмый, һава температурасы -3 градус тәшкил итәчәк. Юлларда көчле бозлавык.

Төнлә Казанда юеш кар явачак, температура фоны -3..-5 градуска кадәр төшәчәк. Көндез термометр баганаларын 0..-2 градус күрсәтәчәкләр. Җил көнбатыштан, көньяк җилгә күчә. Тизлеге – 5-10 м/с, урыны белән – 14 м/с.

11 гыйнварда, шимбә көнне, республикада юеш кар явачак. Аерым районнарда бозлавык һәм томан фаразлана. Төнге сәгатьләрдә һава температурасы -1..-6, көндез – 0..+3 градус. Юлларда көчле бозлавык сакланачак.

Якшәмбе, 12 гыйнварда, явым-төшем ихтималы зур түгел. Төнлә – -3..-8, аязганда – -11 градуска кадәр. Көндез -1..-6 градус вәгъдә итәләр.

ТР Гидрометүзәге алдан фаразлаганча, 13 һәм 14 гыйнварда Татарстанда кар явуы көтелә. Көндезге сәгатьләрдә – дүшәмбе 0..-5, сишәмбе көнне -4..-9 градус булачак

Шулай ук укыгыз

Барлык яңалыклар