Татарстанда 17 августтан кинотеатрлар, театрлар, цирклар һәм аквапарклар эше яңартыла

Республика коронавирус пандемиясе аркасында кертелгән чикләү чараларын гамәлдән чыгаруның өченче этабына күчә.

(Казан шәһәре KZN.RU, 16-нчы август). Татарстан коронавирус инфекциясе пандемиясе аркасында кертелгән чикләү чараларын бетерүнең өченче этабына күчә. 17-нче августтан башлап республикада кинотеатрлар, театрлар, цирклар һәм аквапарклар эше яңартыла. Моннан тыш, ачык мәйданчыкларда 100-дән артык кеше катнашында, һәм биналарда - бер үк вакытта 50-дән дә артык булмаган кеше булганда, төрле чаралар уздыру рөхсәт ителә. Тиешле карар ТР Министрлар Кабинетында имзаланды.

Әйтик, дүшәмбедән Татарстанда театрлар, кинотеатрлар һәм кинозаллар, цирклар, концерт заллары яңадан эшли башлый. Шул ук вакытта заллар яртылаш кына тулы булырга, ә тамашачылар тигез бүленеп урнаштырылырга тиеш. Шулай ук аквапаркларның тулылануы 50%-тан артмаска тиеш.

Моннан тыш, ял, күңел ачу, тамаша кылу, мәдәни, физкультура, спорт, күргәзмә, агарту, реклама һәм башка чаралар уздыру рөхсәт ителә. Ачык мәйданчыкларда бер үк вакытта кунакларның саны 100 кешедән, биналарда 50 кешедән артмаска тиеш. Шул ук вакытта бинада кешеләрнең рөхсәт ителә торган саны 4 кв.м мәйданга 1 кеше исәбеннән исәпләнә. Моннан тыш, профилактик чараларны үтәгәндә хәлдә, дәүләт хакимияте һәм җирле үзидарә органнары тарафыннан чаралар оештыру һәм уздыру рөхсәт ителә.

Шулай ук 17-нче августтан Татарстанда тамашачылар катнашында рәсми физкультура һәм спорт чараларын уздыру мөмкин булачак. Аларның саны тамашачылар урыннарының сыйдырышлылыгының 25%-ыннан артмаска, ә кешеләр тигез бүленеп утыртылырга тиеш.

65 яшьтән өлкәнрәк затлар өчен мәҗбүри изоляция 23-нче августка кадәр озайтылды.

Иҗтимагый урыннарда мәҗбүри рәвештә битлекләр кию һәм социаль дистанцияне саклау каралган. Элеккечә төнге клублар (дискотекалар), балалар уен бүлмәләре һәм күңел ачу үзәкләре эшен тыю гамәлдә.

Шулай ук укыгыз

Барлык яңалыклар