Татарстанда коронавирус инфекциясе белән авыруның 23 яңа очрагы расланды

Аларның 13-е Казанда теркәлгән.

(Казан шәһәре KZN.RU, 14-нче апрель). Татарстанда коронавирус инфекциясе белән авыруның 23 яңа очрагы расланды. Шул ук вакытта 8 очрак читтән алып керүчеләр, 15 кеше авырулар белән якыннан аралашкан.

Коронавируска каршы көрәш буенча Татарстанның оператив штабы хәбәр иткәнчә, 5 пациент хастаханәгә озатылган, авырулар агымының җиңел яки имптомсыз формасы булган 18 кеше өйдә дәвалана.

Коронавирус белән авыруның 13 очрагы Казанда, 5-есе - Биектау районында, 4 очрак - Яр Чаллыда, тагын бер авыру Питрәч районында теркәлгән.

Ике авыручы - 18 яшькә кадәр, 4 кеше - 18 яшьтән 30 яшькә кадәр, 10 кеше - 30 яшьтән 50 яшькә кадәр, өчесе - 50 яшьтән 60 яшькә кадәр, өчесе - 60 яшьтән 70 яшькә кадәр, берсе - 70-тән 80-гә кадәрге яшь аралыгында.

Татарстанда COVID-19 белән авыруның 107 очрагы ачыкланган, шуларның 17-се савыккан. Тәүлек эчендә республикада коронавируска 945 тест, ә тикшеренүләр башланганнан бирле 25 мең 802 тест уздырылды. Хәзерге вакытта медицина күзәтүе астында 1523 кеше бар. 20 мең 716 кеше медицина күзәтүеннән төшерелгән.

Россиядә соңгы тәүлек эчендә коронавирус белән авыруның 2774 очрагы ачыкланган. Барлыгы илдә авыруның 21 мең 102 очрагы теркәлгән, 1694 кеше терелгән, 170 кеше үлгән, дип хәбәр итә федераль оператив штаб.

Шулай ук укыгыз

Барлык яңалыклар