Татарстанда коронавирус инфекциясенең 23 яңа очрагы расланды

Татарстанда коронавирус инфекциясенең 23 яңа очрагы расланды

<p> <img src="https://www.kzn.ru/upload/iblock/82e/MMB_0846.jpg"><br> </p> <p> <span style="color: #3d3d3d;">(Казан шәһәре KZN.RU, 11-нче апрель). Татарстанда 23 яңа коронавирус инфекция очрагы расланды. Аларның 9-сы читтән алып кайтылган - Берләшкән Гарәп Әмирлекләре, Таиланд, Франция һәм Төркиядән, 14 кеше авырып китүчеләр белән аралашкан.</span> </p> <p> <span style="color: #3d3d3d;">Татарстанның коронавируска каршы көрәш буенча оператив штабы хәбәр иткәнчә, авыручыларның күбесе (18 кеше) - Казанда яшәүчеләр. Тагын 2 очрак Яр Чаллыда һәм берәр очрак Әлмәт, Питрәч һәм Биектау районнарында расланган.</span> </p> <p> <span style="color: #3d3d3d;">4 татарстанлы хастаханәгә озатылган, аларның хәлен табиблар уртача дәрәҗәдә дип бәяли. Пациентларда үпкәләргә ясалма вентиляция аппаратларына ихтыяҗ юк. 19 авыру симптомсыз яки җиңел формада авырый һәм өйдә дәвалана.</span> </p> <p> <span style="color: #3d3d3d;">Шунысын да билгеләп үтәргә кирәк, авыруның 2 яңа очрагы - 18 яшьтән яшьрәкләр арасында, 7 кеше 18 яшьтән 30 яшькә кадәрге яшь категориясенә карый, 5 кеше - 30 яшьтән 50 яшькә кадәр, 4 кеше - 50 яшьтән 60 яшькә кадәр, 3 кеше - 60 яшьтән 70 яшькә кадәр һәм 2 кеше - 70 яшьтән 80 яшькә кадәр.</span> </p> <p> <span style="color: #3d3d3d;">Татарстанда барлыгы 73 авыру очрагы теркәлде, 17 кеше савыкты. Хәзерге вакытта табиблар күзәтүендә 56 авыручы кала.</span> </p> <p> <span style="color: #3d3d3d;">Шулай ук соңгы тәүлек эчендә республикада коронавируска 1926 тест уздырылган, тикшеренүләр башыннан - 22916.</span> </p> <p> <span style="color: #3d3d3d;">Россиядә соңгы тәүлек эчендә 49 төбәктә COVID-19 авыруының 1667 очрагы теркәлгән, 12 кеше үлгән, 250 хастаханәдән чыгарылган. Яңа пациентларның күбесе Мәскәүдән - 1030. Ил буенча чир йоктыручыларның гомуми саны 13584 кешегә җиткән, 1045 кеше сәламәтләнгән, 106 үлгән, дип хәбәр итә федераль оператив штаб.</span> </p>

2020-04-11T12:28:07+0300