Татарстанда температураның -37 градуска кадәр түбәнәюе көтелә

Татарстанда температураның -37 градуска кадәр түбәнәюе көтелә

<p> </p> <div class="detail-picture"> <img src="/upload/iblock/b15/b15489920c238298f6ef8fb0f208c326.jpg"> <p class="detail-picture__caption"> Фото: Денис Гордийко </p> </div> Якын көннәрдә Татарстанда киң төньяк антициклон йогынтысы сакланачак. Бүген төнлә һәм иртәгә иртән һава температурасы -25..-30 градус булыр дип көтелә, урыны белән -37 градуска кадәр төшәргә мөмкин, көндез термометр баганалары -15..-20 градусны күрсәтәчәк. <p> </p> <p> 15 нче февральдән 16 нчы февральгә каршы төндә Казанда температура -25..-27 градуска кадәр, урыны белән -30 градуска кадәр төшәчәк. Машина йөртүчеләргә һәм җәяүлеләрегә игътибарлы булырга киңәш ителә, чөнки юлларда бозлавык барлыкка килергә мөмкин. Көндез -15..-17 градуска кадәр җылыта. </p> <p> Шимбә көнне, атмосфера фронты йогынтысына эләгү сәбәпле, Татарстанның көнбатыш районнарында урыны белән бераз кар явачак, ә көнчыгыш районнарда элеккечә явым-төшемсез һава торышы саклана. Көчле салкыннар чигенәчәк: төнлә – -16..-21 градус, көндез -10..-15 градус булыр дип көтелә. </p> <p> Синоптиклар 18 нче февраль көнне көндез кар, буран һәм секундына 15 метрга кадәр җил вәгъдә итә, һава температурасы төнлә – -13..-18 градусны, көндез -6..-11 градусны тәшкил итәчәк. </p> <p> ТР Гидрометеоүзәге фаразлавынча, дүшәмбе, 19 нчы февральдә республикада кар явачак, буран һәм көчле җил көтелә. Төнлә термометр баганалары -6..-11 градуска кадәр төшәчәк, ә көндез -3..-8 градуска кадәр күтәреләчәк. </p> <p> Сишәмбе, 20 нче февральдә, явым-төшем туктый. Синоптиклар төнлә – -9..-14 градус, көндез -4..-9 градус вәгъдә итә. </p> <br>

2024-02-15T17:05:51+0300