Татарстанда шторм кисәтүе игълан ителде

Татарстанда шторм кисәтүе игълан ителде

<p> (Казан шәһәре KZN.RU, 25-нче март). Татарстанда шторм кисәтүе игълан ителде. Синоптиклар республика халкын буран, көчле җил һәм кар булуы турында кисәтә. </p> <p> ТР Гидрометеорология һәм әйләнә - тирә мохитне күзәтү идарәсе мәгълүматлары буенча, Татарстан территориясендә һәм Казанда урыны белән түбәндәге һава торышы көтелә: 25-нче март кичендә һәм 26-нчы март төнлә көчле җил, көчәйгәндә секундына 15-18 метрга кадәр һәм кыска вакытлы буран; 25-нче мартта кич белән, 26-нчы мартта томан (Казанда - төнлә һәм иртән), юлларда көчле бозлавык. </p> <p> Болытлы һава торышы, вакыты-вакыты белән аязучан болытлы һава торышы көтелә. Казанда төнге температура 3-5 градус тәшкил итәчәк, республикада – 1-6 градус салкын. 26-нчы мартта көндез термометр баганалары +3-5 градуска кадәр күтәреләчәк, гомумән республика буенча +1-6 градуска кадәр җылы булыр дип фаразлана. </p> <p> Көчле кар яву сәбәпле (20 мм явым-төшем көтелә) ТР Гадәттән тыш хәлләр министрлыгы машина йөртүчеләргә һәм җәяүлеләргә <a href="http://16.mchs.gov.ru/pressroom/news/item/7979190/" target="_blank">киңәшләр</a> бирә. Аерым алганда, автомобильдә хәрәкәт иткәндә катлаулы метеорологик шартлар аркасында төрле полосаларга күчеп йөрүдән, янәшә бара торган машиналарны узарга тырышудан баш тартырга; автомобильнең техник торышына, бигрәк тә тормоз системасына, шиннар хәленә аерым игътибар бирергә; кисәк туктаудан сакланырга кирәк. Җәяүлеләргә урам һәм юллар аркылы чыкканда аеруча игътибарлы булырга киңәш ителә; урамны билгеләнгән җәяүлеләр кичү урынында гына чыгарга кирәк. </p> <p>   </p>

2019-03-25T15:27:58+0300