Татарстанда шторм кисәтүе игълан ителде

Республикада яшен, яңгыр, боз һәм көчле җил көтелә

Фото: Денис Гордийко

Татарстан территориясендә шторм кисәтүе игълан ителде. Бу хакта РФ Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

«23 нче апрельнең 15:00 сәгатеннән 24 нче апрельнең 2:00 сәгатенә кадәр ТР территориясендә (Казанда 23 нче апрельдә 17:00 сәгатьтән 21:00 сәгатькә кадәр) урыны белән яшен, көчле яңгыр, боз көтелә. Җилнең тизлеге секундына 15-20 метрга, урыны белән 24 метрга кадәр җитәргә мөмкин», – диелә хәбәрдә.

Ведомствода җәяүлеләргә, автотрассалар аша үткәндә һәм алар янәшәсендә булганда, саклык чараларын күрергә, ә машина йөртүчеләргә ерак юлга чыгудан тыелып торырга киңәш итәләр.

Шулай ук укыгыз

Барлык яңалыклар