Татарстанда коронавирус инфекциясе 65 кешедә ачыкланган

Татарстанда коронавирус инфекциясе 65 кешедә ачыкланган

<p> <img width="870" src="https://www.kzn.ru/upload/iblock/a23/MMB_7392.jpg" height="652"> </p> <p> (Казан шәһәре KZN.RU, 28-нче апрель). Татарстанда коронавирус инфекциясе тагын 65 кешедә ачыкланган, шуларның 6-сы хастаханәгә озатылган, авыруы симптомсыз яки җиңел формада уза торган 59 кеше өйдә дәвалана. </p> <p> Коронавирус инфекциясе таралуга каршы тору буенча республика оператив штабында хәбәр итүләренчә, 7 кеше авыруны читтән алып кергән, 58 кеше авыруны йоктыручылар белән элемтәдә булганнан соң авырый. </p> <p> Авыручылар арасында 8 балигъ булмаган бала бар. 12 кеше - 18 яшьтән 30 яшькә кадәр, 18 кеше - 30 яшьтән 50 яшькә кадәр, 12 кеше - 50 яшьтән 60 яшькә кадәр, 8 кеше - 60 яшьтән 70 яшькә кадәр, 4 кеше - 70-тән 80-гә кадәр, өч кеше - 80 яшьтән 90 яшькә кадәр. </p> <p> 21 авыру очрагы Казанлылар арасында теркәлгән. Алтышар кеше - Яр Чаллыда һәм Әтнә районында, бишесе - Алабуга районында, дүртәр кеше - Чистай, Теләче һәм Арча районнарында, өчәр кеше - Балтач, Яшел Үзән һәм Чүпрәле районнарында, берәр кеше - Әгерҗе, Актаныш, Тукай, Сарман, Нурлат һәм Питрәч районнарында. </p> <p> 28-нче апрельгә Татарстанда COVID-19 авыруының 697 очрагы теркәлгән. 78 кеше, шул исәптән соңгы тәүлектә өч кеше: Азнакай районында яшәүче ике кеше һәм Биектау районында яшәүче бер кеше сәламәтләнгән. </p> <p> Моннан тыш, республикада COVID-19 авырулы пациент үлеменең беренче очрагы расланды. 27-нче апрельдә Яр Чаллы хастаханәсендә 1950 елгы ир-ат вафат булды. 13-нче апрельдә ул Яр Чаллы йогышлы авырулар хастаханәсенә госпитализацияләнә, 15-нче апрельдән «2-нче шәһәр хастаханәсе» дәүләт автоном сәламәтлек саклау учреждениесендә коронавирус инфекциясенең авыр формасы белән стационар дәвалануда булды. Пациентта йөрәк-кан тамырлары системасы авырулары булган. 23-нче апрельдән ясалма вентиляцияләү аппаратына тоташтырылган. Диагноз экспертиза тарафыннан расланган, дип хәбәр иттеләр оператив штабта. </p> <p> Хәзерге вакытта медицина күзәтүе астында 2099 кеше бар. 22 мең 404 кеше медицина күзәтчелегеннән азат ителгән. </p> <p> Тәүлек эчендә коронавируска тикшеренү максатыннан 1146 тест үткәрелгән. Тикшеренүләр башыннан бирле 44 мең 113 тест уздырылган. </p> <p> Россиядә бер тәүлек эчендә COVID-19 авыруының 6411 очрагы ачыкланды, шул рәвешле илдә очраклар саны 93 мең 558-гә җитте. 8456 кеше сәламәтләнде, 867 кеше үлде. </p>

2020-04-28T11:35:54+0300