Татарстанда 1 октябрьгә кадәр «Закон территориясе» конкурсына материаллар кабул итү дәвам итә

Анда мәгариф учреждениеләре, спорт, мәдәни үзәкләр һәм башка оешмалар җитәкчеләре катнаша ала.

(Казан шәһәре KZN.RU, 7-нче сентябрь). Татарстанда 1-нче октябрьгә кадәр ел саен үткәрелә торган «Закон территориясе» республика конкурсына материаллар кабул итү дәвам итә.

Анда муниципаль районнар һәм шәһәр округлары башкарма комитетлары башлыклары һәм җитәкчеләре, авыл җирлекләре башлыклары, төрле оешмалар, мәгариф учреждениеләре, яшүсмерләр һәм яшьләр белән эшләүче спорт, мәдәни үзәкләр, шулай ук хосусый сак оешмалары, хокук саклау юнәлешендәге иҗтимагый берләшмәләр җитәкчеләре катнаша ала.

Конкурста җиде номинация каралган: «Авыл җирлеге территориясендә хокук тәртибен тәэмин итүгә өлеш керткән өчен», «Муниципаль район һәм шәһәр округы территориясендә хокук тәртибен тәэмин итүгә өлеш керткән өчен», «Хокук саклау эшчәнлегенә ярдәм иткән өчен», «Мәгариф оешмаларында укучылар арасында хокук бозуларны профилактикалауга өлеш керткән өчен», «Яшь буынны тәрбияләүгә өлеш керткән өчен, җәмгыятьнең хокукый нигезләренә яшьләрдә һәм яшүсмерләрдә ихтирам уяткан өчен», «Шәхси саклау оешмаларын җәлеп итеп, җәмәгать тәртибен саклауга өлеш керткән өчен», «Җәмәгатьчелекне җәлеп итеп, җәмәгать тәртибен саклауга өлеш керткән өчен».

Конкурста катнашу өчен текст, графика, фото һәм видео мәгълүмат тупланган альбом формалаштырырга кирәк. Бәяләү критерийлары конкурс турындагы нигезләмәдә тасвирланган. Конкурска материаллар Татарстан Республикасы буенча Эчке эшләр министрлыгына «Закон территориясе» конкурсына» билгеләмәсе белән, түбәндәге адрес буенча кабул ителә: 420111, Казан, Дзержинский ур., 19.

Беренче этапта җиңүчеләр һәр номинациядә муниципаль районнарда һәм шәһәр округларында билгеләнә. Аннары конкурс беренче этапта җиңүчеләр арасында үткәрелә. Йомгак ясау һәм бүләкләү тантанасын ел ахырында уздыру планлаштырыла, дип хәбәр итә ТР хокук бозуларны профилактикалау буенча хөкүмәт комиссиясе.

Шулай ук укыгыз

Барлык яңалыклар