Татарстанда мобилизацияләнүчеләрнең гаиләләренә социаль ярдәм күрсәтү мәсьәләләре буенча кайнар линия эшләячәк

Шалтыратулар 27 нче октябрьдә 13:00 сәгатьтән 15:00 сәгатькә кадәр кабул ителәчәк.

Фото: Денис Гордийко

(Казан шәһәре KZN.RU, 26 нчы октябрь). 27 нче октябрьдә Казан халкына мобилизацияләнгән гражданнарның гаилә әгъзаларына социаль ярдәм күрсәтү мәсьәләләре буенча консультацияләр бирәчәкләр. Кайнар линия 13:00 сәгатьтән 15:00 сәгатькә кадәр эшләячәк.

Казанлыларның сорауларына Татарстанның профильле министрлыклары һәм ведомстволары вәкилләре, шулай ук ТР Дәүләт Советы хатын-кыз депутатлары җавап бирәчәк.

Шалтыратулар +7(843)238-10-00 телефоны буенча кабул ителә, дип хәбәр иттеләр ТР Дәүләт Советының хатын-кыз депутатлары «Мәрхәмәт – Милосердие» берләшмәсендә.

Искәртеп узабыз, бу атнада Татарстан Хөкүмәте мобилизацияләнүчеләрнең гаиләләренә ярдәм итүнең өстәмә чараларын раслады. Алар арасында – өстенлекле рәвештә шифаханә-курорт дәвалавына юлламалар, өйдә бушлай социаль хезмәтләр алу.

Октябрь башында шәһәр Мэры Илсур Метшин Казандагы мобилизацияләнүчеләрнең гаиләләренә ярдәм чараларын әйтте. Ташламалар исемлегендә мәктәпләрдә бушлай ике тапкыр кайнар туклану һәм җәмәгать транспортында йөрү, шулай ук башка ярдәм чаралары бар. Алардан ничек файдаланырга һәм кая мөрәҗәгать итәргә икәнлеге турында KZN.RU порталы белешмәлегендә укыгыз.

Шулай ук укыгыз

Барлык яңалыклар