Татарстанда бер ел эчендә 450 гаилә «Яшь гаилә» социаль ипотека программасы буенча яңа торак алды

Катнашу өчен республиканың 31 муниципаль берәмлегеннән 1 меңнән артык гаилә гариза биргән.

Фото: Казан шәһәре KZN.RU

(Казан шәһәре KZN.RU, 14-нче июль). Татарстанда 31 муниципаль берәмлектән 1 меңнән артык гаилә «Яшь гаилә» социаль ипотека программасында катнашуга теләк белдергән, шуларның 450-се яңа торакка күчкән.

Торак урыннар бирү тәртибе нәкъ бер ел элек расланган иде. Документ программада барлык яшь гаиләләрнең, шул исәптән коммерция, бюджеттан тыш оешмаларда һәм предприятиеләрдә эшләүче, шулай ук шәхси эшмәкәрләрнең һәм үзмәшгульләрнең катнашу шартларын һәм критерийларын билгеләде. Бу инициативаны ТР Яшьләр эшләре министрлыгы тәкъдим итте һәм ТР Президенты Рөстәм Миңнеханов тарафыннан хупланды.

Программада теләсә кайсы яшь гаилә катнаша ала, ә гариза бирүче булып 35 яшькә кадәрге тулы булмаган гаиләдә яшәүче ир белән хатын яки ата-ана чыгыш ясый ала.

«Яшь гаилә» программасы шартлары буенча торак шартларын яхшыртуга мохтаҗлык ташламалы норма буенча билгеләнә – яшь гаиләнең бер әгъзасына 18 кв.метрдан кимрәк торак мәйданы туры килергә тиеш. Шулай ук дәгъвачы яшәү урыны буенча теркәлгән булырга һәм республика территориясендә эшләргә тиеш, дип хәбәр итә ТР Яшьләр министрлыгы матбугат хезмәте.

«Яшь гаилә» социаль ипотека программасы, муниципаль берәмлекләрдә документлар исемлеге һәм контактлар турында тулырак мәгълүматны Министрлык сайтында «ТР яшьләренә торак» тематик бүлегендә белергә мөмкин.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар