Салават Күпере торак районында төзелүче балалар бакчасында кирпеч өю эшенә керешкәннәр

Көн саен объектта 50 төзүче эшли

Фото: мәгариф идарәсе

Салават Күпере торак районындагы балалар бакчасы төзелеш мәйданчыгында субай кагу эшләрен төгәлләгәннәр, фундамент блоклары да 80% түшәлгән. Хәзер эшчеләр кирпеч өяүгә керешкәннәр. Көн саен объектта 50 төзүче эшли.

Исегезгә төшерәбез, 260 урынлы балалар бакчасында 16-20 бала сыйдырышлы 14 төркем ачу планлаштырыла. Моннан тыш, учреждениедә музыка һәм физкультура заллары, туклану блогы, кер юу һәм административ бүлмәләр булачак, дип хәбәр иттеләр шәһәр Башкарма комитетының мәгариф идарәсендә.

Салават Күперендәге балалар бакчасы – быел төзеләчәк өч яңа мәктәпкәчә белем бирү учреждениесенең берсе. Элегрәк эшләр «Яратам» торак комплексында башланды, ә өченче балалар бакчасы Ягодинская урамында барлыкка киләчәк. Исегезгә төшерәбез, һәр мәктәпкәчә учреждение өчен аерым дизайн-проект эшләнәчәк. Балалар бакчаларын уңайлы һәм заманча җиһаз, спорт инвентаре һ.б. белән җиһазландырачаклар.

Шулай ук яңа уку елына өч мәктәпне файдалануга тапшыру планлаштырыла. 1224 урынга исәпләнгән ике белем бирү учреждениесе Родина урамында һәм М14 микрорайонындагы Андрей Адо урамында төзеләчәк, 1501 урынлы тагын бер мәктәп «Весна» торак комплексындагы Азат Аббасов урамында ачылачак.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар