Татарстан башкаласында "Бие, Казан" халыкара фестиваль-конкурсы узачак

Конкурста катнашу өчен гаризаны 17 февральгә кадәр тапшырырга мөмкин.

(Казан шәһәре KZN.RU, 6-нчы февраль). Казанда "Бие, Казан" халыкара бию фестиваль-конкурсында катнашу өчен гаризалар кабул итү башланды. Ул Татарстан башкаласында 1 марттан 3 мартка кадәр узачак һәм үз эченә чараның мәртәбәле кунакларыннан мастер-класслар белән белем бирү программасын да ала.

Фестивальдә катнашырга 5 яшьтән өлкән балалар һәм яшүсмерләр чакырыла. Ярышлар җиде бию юнәлеше буенча узачак: заманча, урам, эстрада, классик, халык һәм халык-стилизацияләнгән биюләре, шулай ук оригиналь жанр.

Конкурс сынаулары 1 һәм 2 март көннәрендә "Юность" мәдәният сараенда узачак. 3 мартта фестивальдә катнашучыларны мастер-класслар һәм "Пирамида" мәдәни-күңел ачу комплексында гала-концерт көтә. Конкурсның төп призы - 20 мең сум, дип хәбәр итә ТР Мәдәният министрлыгы.

Яшь биючеләрне илнең танылган хореографлары һәм педагоглары бәяләчәк, алар арасында СПбГУП хореография сәнгате кафедрасы доценты, Санкт-Петербургның "Мюзик Холл" дәүләт театрының баш балетмейстеры Сергей Горбатов, ТР халык артисты, Бөтенроссия һәм халыкара конкурслар лауреаты, КГУКИ укытучысы Лилия Сорокина, шулай ук ТНТ каналындагы "Танцы" тапшыруы финалисты, А.Чеховның "Чайка" пьесасы мотивлары буенча мюзикл хореограф-куючы Дмитрий Масленников бар.

Конкурста катнашу өчен гаризаны 17 февральгә кадәр электрон почта аша тапшырырга мөмкин: zayavka@horeograph-online.ru яки телефон аша: 8-927-470-8-82.

Шулай ук укыгыз

Барлык яңалыклар