Яңалыклар
14.11.2023, 12:01
Татарстан башкаласында балалар һәм яшьләр өчен фиджитал-лига барлыкка киләчәк
Берләшмәдә катнашучыларны катнаш ярышлар йомгаклары буенча сайлаячаклар
Фото: vk.com/gamesofuture
(Казан шәһәре KZN.RU 14 нче ноябрь). Татарстанның җиде шәһәрендә, шул исәптән Казанны да кертеп, «Алдынгылар лигасы» фиджитал-ярышлары узачак. 7 яшьтән алып 25 яшькә кадәрге барлык теләүчеләр дә кушыла ала.
Казанда ярышлар 26 нчы ноябрьдә узачак. Бу көнне яшьләр фиджитал-футболда һәм фиджитал-баскетболда, шулай ук Just Dance дисциплинасында үз көчләрен сынап караячак.
Турнирда катнашу өчен гариза тутырырга кирәк. Фиджитал-футбол өчен биш кешедән торган, ә фиджитал-баскетбол өчен өч кешедән торган команда җыярга кирәк. Җиңүчеләр спорт кибетләренә сертификатлар һәм кубоклар алачак.
Ярышлар нәтиҗәләре буенча республиканың җиде шәһәрендә балалар һәм яшьләр өчен фиджитал-лига барлыкка киләчәк, дип хәбәр итте Татарстанда «Алдынгылар хәрәкәте» матбугат хезмәте.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:02 -
29.04.2025, 10:11
