Иске Татар бистәсендә боз тавы белән чыршы шәһәрчеге эшли башлаячак

Ачылыш көнендә биредә сувенирлар һәм традицион татар тәм-томнары сатылачак сәүдә рәтләре урнашачак.

(Казан шәһәре KZN.RU, 25-нче декабрь). 27-нче декабрьдә Иске Татар бистәсе территориясендә, Зәйни Солтан урамындагы скверда «Иске Татар бистәсендә яңа ел көннәре» чыршы шәһәрчеге ачылачак.

Шәһәрчек үзәгендә 15,5 метр биеклектәге яңа ел чыршысы, ылыслы аркалардан тоннель һәм боз тавы урнаштырылачак.

Ачылыш көнендә шәһәр халкы һәм кунаклары өчен бәйрәм программасы әзерләнгән - традицион татар тәм-томнары, чәй, глинтвейн һәм сувенирлар белән сәүдә рәтләре эшләячәк. Шәһәрнең иҗат коллективлары чыгыш ясаячак концерт бәйрәм атмосферасын тудырачак. Кунакларны якынлашып килүче Яңа ел белән Кыш Бабай һәм Кар кызы котлаячак.

Бәйрәм 18.00 сәгатьтә башлана, дип хәбәр итә «Иске шәһәр» префектурасы матбугат хезмәте.

Шулай ук укыгыз

Барлык яңалыклар