Бу атнада Иске Татар бистәсендә бушлай чаралар сериясе узачак

Катнашу өчен алдан язылырга кирәк

Бу атнада Иске Татар бистәсендә бушлай чаралар сериясе узачак. Казанлылар өчен фотога төшерү, рәсем сәнгате һәм кашык осталыгы буенча мастер-класслар, шулай ук бушлай киносеанс һәм шахмат буенча турнир әзерләнгән.

30 июньдә казанлыларга лекция форматында фотога төшерү буенча мастер-класс үткәреләчәк. Чара 18:00 сәгатьтән 19:30 сәгатькә кадәр Иске Татар бистәсендә Каюм Насыйри ур., 25 адресы буенча 3 кат, 312 нче офиста узачак. Сылтама буенча алдан теркәлү кирәк.

Сишәмбе көнне, 1 июльдә, барлык теләүчеләр өчен рәсем сәнгате һәм карикатура буенча мастер-класс узачак. Катнашучыларны 16:00 сәгатьтә Ш.Мәрҗани йорты янында (К.Насыйри ур., 10а) көтәчәкләр. Сылтама буенча язылырга мөмкин.

Кашык осталыгы буенча мастер-шоуга казанлылар 2 июльдә 16:00 сәгатькә килә алачак. Чара Ш.Мәрҗани йорты ишегалдында (К.Насыйри ур., 10а) узачак. Сылтама буенча теркәлергә мөмкин. Шул ук көнне 16:30 сәгатьтә җәйге сәхнәдә (Каюм Насыйри ур., 26) өстәл хоккее буенча ярышлар була, катнашу өчен алдан язылу кирәк. Чәршәмбе 18:00 дә Мәрҗани йорты ишегалдында узачак «Юллар Чатында» документаль фильмын күрсәтү белән тәмамланачак. Теркәлү сылтама буенча.

Шахмат турниры 5 июльдә Юнысов мәйданында (Мәйдан бакчасында) узачак. Интеллектуаль ярышта катнашу өчен сылтама буенча теркәлү узарга кирәк.

Оештыручылар хәбәр иткәнчә, һава шартлары начарайган очракта кайбер чаралар гамәлдән чыгарылырга яки күчерелергә мөмкин.