Казанның спорт үзәкләрендә прокатка бирү өчен яңа 200 пар тимераяк яңартыла

Бу елгы кышта Татарстан башкаласында яшәүчеләргә тимераякта шуу өчен 105 урын: 83 хоккей тартмасы һәм прокат пунктлары булган 22 шугалак әзерләнә

Марат Мөгыйнов фотосы

Бу елны Казанның спорт инфраструктурасы кышкы кирәк-яракны шактый яңарткан: прокат пунктлары өчен 200 пар яңа тимераяк сатып алынган. Әлеге күренеш шугалакка халык күпләп килгән вакытта уңайлылыкны сизелерлек арттырачак.

Мәсәлән, «Ватан» спорт-сәламәтләндерү комплексында – 30 пар, ә «Хезмәт резервлары» спорт комплексында 50 пар яңа тимераяк сатып алынган. «Баско» һәм «Юдино» боз ареналарында 50 берәмлектән артык спорт җайланмасы яңартылган. «Ак Бүре» спорт комплексына яңа 20 пар тимераяк кайтартылган. Искергән инвентарьны «Ракета» стадионында да алыштырачаклар, дип хәбәр итә Физик тәрбия һәм спорт комитеты.

Исегезгә төшерәбез, бу елгы кышта Татарстан башкаласында яшәүчеләргә тимераякта шуу өчен 105 урын: 83 хоккей тартмасы һәм прокат пунктлары булган 22 шугалак әзерләнә

Тагы шунысы мөһим, бүген шәһәр халкы өчен «Ракета» стадионындагы шугалак ачылды. Калганнары тотрыклы салкыннар башлану белән ачылачак.