Совет районында волонтерларга махсус хәрби операция хәрбиләре өчен махсус кием тегү цехы булдырырга ярдәм иткәннәр

Районда җыелган гуманитар ярдәм күләме 208 млн сумнан артып киткән

Фото: Денис Гордийко

Казанның Совет районы предприятиеләре, оешмалары, халкы һәм депутатлары махсус хәрби операциядә катнашучылар өчен 208,5 млн сумнан артык гуманитар ярдәм җыйган. Хәрбиләргә беренче кирәк-яраклар һәм зур габаритлы техника – автомобильләр җибәрелгән. Бу хакта Башкарма комитетның эшлекле дүшәмбесендә Совет районы администрациясе башлыгы Роман Фәтхетдинов хәбәр итте. Ул шулай ук район халкының махсус хәрби операциядә катнашучыларга ярдәм итәргә теләкләре зур булуын билгеләп үтте.

Мәсәлән, «Za Победу! Казань» хәрәкәте активистлары гуманитар ярдәм җыялар, маскировка челтәрләре үрәләр һәм кием тегәләр.

«Башкарма комитет һәм спонсорлар ярдәме белән Солидарность урамында активистларга бина булдырылды. Косметик ремонт үткәрелде һәм кирәкле җиһазлар сатып алынды. Бу безнең геройлар өчен махсус кием тегү буенча чын фабрика», – дип сөйләде Роман Фәтхетдинов.

Район администрациясе хезмәткәрләре махсус хәрби операциядә катнашучыларның гаиләләре белән даими элемтәдә тора, аларга төрле проблемаларны хәл итәргә ярдәм итәләр.

«Без өлкән буын геройлар – ветераннар турында да онытмыйбыз. Кызганычка каршы, алар ел саен кими бара, шуңа күрә безнең һәрберебезнең кайгыртуы бик мөһим. Барлык ветераннарга һәм аларның үтенечләренә аерым игътибар бирәбез», – дип ассызыклады спикер.

Камилә Вилданова