Казанның Совет районында вакантлы эш урыннары мини-ярминкәсе узачак

Шәһәр халкы буш эш урыннары турында белә һәм мәшгульлек үзәге белгечләре белән очраша алачак.

Фото: Марат Мугинов

(Казан шәһәре KZN.RU, 27-нче гыйнвар). 28-нче гыйнварда Казанның Совет районында вакансияләр мини-ярминкәсе узачак. Шәһәр халкы буш эш урыннары турында белә һәм мәшгульлек үзәге белгечләре белән очраша алачак.

Ярминкәдә биш предприятие вәкилләре катнаша: «Агава» ҖЧҖ, Казан оптика-механика заводы, И.Кабушкин исемендәге трамвай депосы, ПАТП-2, шулай ук 20 нче номерлы шәһәр поликлиникасы. Эш эзләүчеләргә 27 вакансия тәкъдим ителәчәк.

Вакансияләр ярминкәсе 9.00 сәгатьтән 11.00 сәгатькә кадәр Журналистлар урамы, 13 адресы буенча узачак, дип хәбәр ителә Казанның халыкны эш белән тәэмин итү үзәге сайтында.

Шулай ук укыгыз

Барлык яңалыклар