Казанның Совет районында «Рауза» мәчете ачылды

Казанның Совет районында «Рауза» мәчете ачылды

<p> </p> <div class="detail-picture"> <img src="https://kzn.ru/upload/iblock/720/MMB_1848-870.jpg"> <p class="detail-picture__caption"> Фото: Марат Мөгыйнов </p> </div> <p> (Казан шәһәре KZN.RU, 28 нче сентябрь). Казанның Совет районында 300 ир-атка исәпләнгән гыйбадәт залы һәм 75 хатын-кыз сыйдырышлы балконы булган «Рауза» мәчете ачылды. Тантаналы чарада Татарстан Республикасы Президенты Рөстәм Миңнеханов һәм шәһәр Мэры Илсур Метшин катнашты. </p> <p> Мәчетне ачу тантанасы изге Коръән сүрәсен укудан башланды. Мөселманнарны ТР мөселманнары Диния нәзарәте башлыгы, Татарстан мөфтие Камил хәзрәт Сәмигуллин, ТР Президенты Рөстәм Миңнеханов һәм ТР Финанслар министры Радик Гайзатуллин сәламләде.  </p> <p> 1,4 мең кв. метрлы яңа дини учреждение Сеченов урамы, 21 адресы буенча урнашкан. Ике манаралы һәм подваллы ике катлы кирпеч бинада тантаналар һәм чәй мәҗлесләре өчен бүлмәләр, конференц-зал, уку сыйныфлары, гардероблар, имамнар һәм укытучылар, шул исәптән сәламәтлек мөмкинлекләре чикләнгән кешеләр өчен бүлмәләр бар.  </p> <p> Рөстәм Миңнеханов һәм Илсур Метшин мәчетне карадылар һәм өйлә намазында катнаштылар, дип хәбәр итә республика Президентының матбугат хезмәте. </p> <p> <a target="_blank" href="https://president.tatarstan.ru/pressa/videoreports/video/8375999.htm">Видеорепортаж</a><br> </p>

2022-09-28T15:31:00+0300