Аксенов скверында ачык һавада «Капитанская дочка» фильмын күрсәтәчәкләр

Казанлылар һәм ТР башкаласы кунаклары шаяру пьесасы тамашасын күрә алачак

Фото: Денис Гордийко

«Мир» кинотеатры артындагы Василий Аксенов скверында 6 нчы июньдә «Пушкин – наше всё!» музыкаль-поэтик программасы булачак. Бу хакта ТР Мәдәният министрлыгы хәбәр итә.

Чара кысаларында тамашачылар шагыйрьләрнең чыгышларын күрәчәк, алар арасында Игорь Тишин, Влад Осколин, Илья Ершов, Камил Камальдинов һәм башкалар бар. Шулай ук тамашачыларга «Пушкин и Гоголь» шаяру пьесасы һәм М.Мозафаров исемендәге 18 нче балалар музыка мәктәбе укучыларыннан музыкаль номерлар тәкъдим ителәчәк.

Бәйрәм ачык һавадагы зур экранда Александр Пушкинның шул ук исемдәге әсәре буенча Владимир Каплуновскийның «Капитанская дочка» фильмын күрсәтү белән тәмамланачак. Чара 19:30 сәгатьтә башлана.

Иртәгә Россиядә Рус теле көне билгеләп үтеләчәк. Бу дата Александр Пушкинның туган көненә багышлана.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар