Сентябрьдә Казанның авыл хуҗалыгы ярминкәләрендә 112 млн сумлык продукция сатканнар

Еш кына шәһәр халкы яшелчәләр, шул исәптән бәрәңге сатып алган

Татарстан башкаласында сентябрьдә — авыл хуҗалыгы ярминкәләренең өч көнендә — 112 млн сумлык продукция сатылган. Еш кына шәһәр халкы яшелчәләр, шул исәптән бәрәңге сатып алган, дип хәбәр иттеләр шәһәр Башкарма комитетының Кулланучылар базары комитетында.

Ярминкәләрдә продукцияне республиканың 22 районы һәм агросәнәгать комплексының 24 оешмасы тәкъдим итә. Иртәгә гадәттәгечә сәүдә 6:00 дан 13:00 кә кадәр түбәндәге мәйданчыкларда алып барылачак:

Авиатөзелеш районы

Дементьев урамындагы 7 нче йорт

Ленинград урамындагы 27 нче бина

Яңа Савин районы

Академик Лаврентьев урамындагы 10 нчы йорт

Х. Ямашев проспектындагы 71а номерлы бина

Совет районы

Аграр урамындагы 2 нче йорт

Липатов урамындагы 7 нче бина

Киров районы

Батыршин урамындагы 20 нче йорт

Краснококшай урамындагы 150/2 номерлы бина

Революция урамындагы 12 нче йорт

Вахитов районы

Кәрим Тинчурин һәм Татарстан урамнары киселеше

Идел буе районы

Җиңү проспектындагы 46в номерлы йорт

Ю.Фучик урамындагы 64 нче бина

Салават Күпере торак районында ярминкә Осиново бистәсе, Садовая урамындагы 9 нчы йорт адресы буенча урнашкан сәүдә үзәгенең машина кую урынында узачак. Төньяк бистәсендә яшәүчеләр өчен сәүдә якшәмбе көнне Беломорская һәм Гудованцев урамнары киселешендә оештырыла.

Исегезгә төшерәбез, ярминкәләрдә шәһәр халкы яшелчәләр, ит һәм сөт продукциясе, шулай ук ярдәмче хуҗалык өчен товарларны ваклап сату бәяләреннән 15% ка кадәр сатып алырга мөмкин.

Барлык мәйданчыкларда да ветеринария-санитария таләпләренең үтәлешен тикшереп торуны тәэмин итәләр. Тулырак мәгълүмат өчен кайнар линия телефоны буенча мөрәҗәгать итәргә була: +7(843)223-27-72 (өстәмә 84331).

Шулай ук укыгыз

Барлык яңалыклар