Казан зооботаника бакчасында геккон дөньяга килгән

Казан зооботаника бакчасында геккон дөньяга килгән

<p> </p> <div class="detail-picture"> <img src="https://kzn.ru/upload/iblock/fbc/fbcb3efa90646ddd65b6be2ed4e28374.jpg"> <p class="detail-picture__caption"> Фото: Казан зооботаника бакчасы матбугат хезмәте </p> </div> Казан зооботаника бакчасында 9 нчы мартта геккон дөньяга килгән. Кәлтәләр пары өчен бу беренче нәсел, чөнки сөйрәлүчеләр ТР башкаласына узган елның августында гына китерелгәннәр. <p> </p> <p> Хәзер геккон баласы зооботаника бакчасының тарихи өлешендә ата-анасыннан аерым террариумда яши. Күп кенә кәлтә төрләре кебек үк, гекконнар да нәсел турында кайгыртмый: табигатьтә ана кәлтә дымлы җиргә икегә кадәр йомырка сала, ә аннан соң аларны ташлап китә. 60 көннән соң йомыркалардан мөстәкыйль тормышка әзер кечкенә кәлтә балалары чыга. </p> <p> Шуңа да карамастан, геккон баласына тәрбия кирәк: оптималь температура, дымлы һава һәм туклану. Ул да, әти-әнисе кебек үк, чикерткә ярата. Бердәнбер аерма – бөҗәкләрнең зурлыгы. Террариумда алар күренми диярлек. Кәлтә баласы үзе дә бик кечкенә – бер айлык гекконның авырлыгы өч граммнан аз гына артык. Әлегә аның җенесен дә билгеләү авыр. </p> <p> Гекконнарның гомуми озынлыгы – 25 сантиметрга, авырлыгы 45 граммга кадәр җитә, дип хәбәр иттеләр учреждениенең матбугат хезмәтендә. </p> <br>

2024-04-16T14:36:19+0300