Мәскәү районының кайбер йортларында суны бер тәүлеккә диярлек сүндерәчәкләр

Бу яңа төзелгән суүткәргечне тоташтыру буенча эшләр башкару белән бәйле

Фото: Марат Мөгыйнов

(Казан шәһәре KZN.RU, 13 нче ноябрь). Казанның Мәскәү районындагы кайбер йортларда су туктатылачак. Бу яңа төзелгән Д=110 мм, 32 метр озынлыктагы суүткәргечне Рәхимов урамы буенча шәһәрне үзәкләштерелгән су белән тәэмин итү челтәрләренә тоташтыру буенча эшләр башкару белән бәйле, дип хәбәр иттеләр «Водоканал» предприятиесендә.

Су 21 нче ноябрьнең 9:00 сәгатеннән 22 нче ноябрьнең 2:00 сәгатенә кадәр түбәндәге адреслар буенча булмаячак:

Рәхимов ур., 9, 11, 15, 17, 19, 21, 23, 25, 1, 5, 17а, 21 корп.1.

Су белән автоцистерналар +7(843)231-62-60 телефоны буенча кабул ителә торган гаризалар нигезендә урнаштырылачак.