Россиядә «РФ субъектларының бөтенроссия мәгариф потенциалы базасы - 2021» оештырыла

Порталда илнең мәгариф учреждениеләре уздырган социаль әһәмиятле конкурслар, акцияләр һәм башка чаралар урнаштырылачак.

Фото: Марат Мугинов

(Казан шәһәре KZN.RU, 30-нчы ноябрь). Илдә «РФ субъектларының бөтенроссия мәгариф потенциалы базасы - 2021» формалаша. Порталда илнең мәгариф учреждениеләре уздырган социаль әһәмиятле конкурслар, акцияләр һәм башка чаралар урнаштырылачак.

Әлеге бушлай ресурсны булдыруның максаты - мәктәпкәчә, башлангыч гомуми, төп гомуми белем, урта һөнәри белем һәм өстәмә һөнәри белем бирү, балаларга һәм өлкәннәргә һөнәри белем бирү, өстәмә белем бирү, тәрбия, балиг булмаган балаларга карата опека һәм попечительлек өлкәсендә дәүләт сәясәтен гамәлгә ашыру һәм норматив-хокукый җайга салу мәсьәләләрендә мәгариф идарәсе төбәк һәм муниципаль органнары эшчәнлегенең перспектив юнәлешләрен күрсәтү, шулай ук мәктәпкәчә, башлангыч гомуми, төп гомуми белем, урта һөнәри белем һәм тиешле өстәмә һөнәри белем бирү, балаларга һөнәри белем бирү һәм өстәмә һөнәри белем бирү өлкәсендә дәүләт һәм муниципаль хезмәтләр күрсәтү.

Шулай ук электрон ресурс муниципаль районнарның, шәһәр һәм авыл җирлекләренең башкарма хакимияте органнарына төп гомуми белем бирү программалары буенча һәркем өчен мөмкин булган һәм түләүсез белем бирүне оештыру мәсьәләләрендә ярдәм күрсәтәчәк. Биредә иң яхшы һөнәри юнәлеш тәҗрибәләрен ачыклау, җыю һәм тарату, шулай ук һөнәри юнәлеш бирү эшчәнлеген гамәлгә ашыручы оешмаларга ярдәм итү гамәлгә ашырылачак. Порталда РФ субъектларының барлык муниципаль берәмлекләре территорияләрендә белем бирү учреждениеләре һәм оешмалары үткәрә торган социаль әһәмиятле конкурслар, акцияләр һәм башка чаралар турында белергә мөмкин булачак, дип хәбәр итә «Россия яңалыклары» иҗтимагый-мәгълүмат агентлыгы.

Мәгариф учреждениеләре мөһим яңалыкларын сылтама буенча калдыра алалар. Өстәмә мәгълүматны сайтта белергә була.

Шулай ук укыгыз

Барлык яңалыклар