«Штаб» резиденциясендә өч көн дәвамында китап ярминкәсе уздырылачак

Бушлай лекцияләрдә казанлыларга Россиядә китап сәүдәсе тарихы һәм Көмеш гасыр сәнгатендә мистицизм турында сөйләячәкләр.

Фото: Марат Мөгыйнов

(Казан шәһәре, KZN.RU, 31 нче гыйнвар). 3-5 нче февральдә «Штаб» креатив индустрияләр резиденциясендә китап ярминкәсе узачак. Килүчеләр эре нәшриятларның берсеннән яңа басмалар һәм бестселлерлар белән таныша, шулай ук бушлай лекцияләрдә катнаша алачаклар.

3 нче февраль көнне 18:00 сәгатьтә китап кибетенә нигез салучы һәм Россиядә китап сәүдә тарихын тикшерүче Анна Кадикова үзгәрешләр чорында әлеге эшчәнлек өлкәсе турында сөйләячәк.

4 нче февраль көнне 14:00 сәгатьтә сәнгать белгече һәм «Рус сәнгате тарихында иң әһәмиятлесе...» китабы авторы Мария Швец «Көмеш гасыр сәнгатендә мистицизм» дигән лекция үткәрәчәк.

5 нче февраль көнне 14:00 сәгатьтә «Хәтерне ничек яхшыртырга һәм нәтиҗәле укырга» дигән лекция белән инглиз теле курсы һәм хәтер үсеше буенча китаплар авторы Илгиз Сабиров чыгыш ясаячак.

Китап ярминкәсе 3 нче февральдә 14:00-20:00 сәгатьләрдә, 4 нче һәм 5 нче февральдә 11:00-20:00 сәгатьләрдә Татарстан ур., 20 адресы буенча эшләячәк. Чарада катнашу ирекле, дип хәбәр итә оештыручылар.

Шулай ук укыгыз

Барлык яңалыклар