Бәйрәм көннәрендә Дәүләт автоинспекциясе бүлекчәләре үзгәртелгән график буенча эшләячәк

1-2 нче гыйнвар барлык бүлекләр өчен дә ял көннәре булачак.

Фото: Денис Гордийко

(Казан шәһәре KZN.RU, 29 нчы декабрь). Бәйрәм көннәрендә Дәүләт автоинспекциясе бүлекчәләре үзгәртелгән график буенча эшләячәк.

1, 2, 7 нче һәм 8 нче гыйнварда Дәүләт автоинспекциясенең район бүлекчәләрендә ял көннәре булачак. 31 нче декабрьдә юл-транспорт һәлакәтләре каралмаячак, килүчеләрне 8:00 сәгатьтән 12:00 сәгатькә кадәр кабул итәчәкләр. 3-6 нчы гыйнварда кабул итү 8:00 сәгатьтән 16:00 сәгатькә кадәр барачак.

Автомототранспорт чараларын техник күзәтү һәм теркәү бүлекләрендә 1 нче һәм 2 нче гыйнвар ял көннәре булачак. 31 нче декабрьдә эш көне бер сәгатькә кыскарачак, ә 3 нче гыйнвардан кунакларны гадәти график буенча кабул итәчәкләр.

«КАН-Авто» автосалоннарында автомототранспорт чараларын теркәү пунктларында 1 нче һәм 2 нче гыйнварда ял көннәре булачак, ә кыскартылган эш көне 31 нче декабрьдә 18:00 сәгатькә кадәр һәм 3 нче гыйнвардан соң башка көннәрдә булачак. «ТТС» автосалоннарында автомототранспорт чараларын теркәү пунктлары 1-7 нче гыйнварда килүчеләрне кабул итмәячәк. 31 нче декабрьдә һәм 8 нче гыйнвардан кабул итү гадәти график буенча алып барылачак.

1-7 нче гыйнварда Җиңү проспекты, 214 адресы буенча урнашкан күпфункцияле үзәктә теркәлү пунктында ял көннәре булачак. 31 нче декабрьдә һәм 8 нче гыйнвардан килүчеләрне гадәти график буенча кабул итәчәкләр.

Имтихан бүлекләре эшен 31 нче декабрьдә һәм 3 нче гыйнвардан стандарт режимда дәвам итәчәкләр. 1 нче һәм 2 нче гыйнвар ял көннәре булачак, дип хәбәр итә ТР буенча Эчке эшләр министрлыгының ЮХИДИ матбугат хезмәте.

Шулай ук укыгыз

Барлык яңалыклар