Юдино бистәсендә Тимерьюлчылар көнен билгеләп үтәчәкләр

Программада - зур бәйрәм концерты, балалар өчен фәнни крио-шоу һәм алдынгыларны хөрмәтләү.

(Казан шәһәре KZN.RU, 30-нчы июль). 3-нче августта Казанның Юдино бистәсендә Тимерьюлчылар көнен билгеләп үтәчәкләр. Үзәк бәйрәм мәйданчыгы «Локомотив» стадионы янындагы ачык сәхнә булачак.

Бәйрәмдә җитештерү алдынгыларын хөрмәтләү, тармак һәм республика бүләкләрен тапшыру планлаштырылган.

Шулай ук Юдинода яшәүчеләр өчен зур бәйрәм концерты һәм балалар өчен фәнни крио-шоу узачак. Ачык мәйданда балалар өчен күңел ачу мәйданчыклары һәм күчмә сәүдә эшләячәк.

Бәйрәм программасы Балалар тимер юлында да планлаштырылган, анда 3-нче һәм 4-нче августта 14 яшькә кадәрге балалар поездда бушлай йөри алачак.

Мәйданда балаларны күңел ачу - анимацион шоу, бушлай туңдырма, конкурслар һәм призлар көтә, дип хәбәр итә «РЖД» ачык акционерлык җәмгыяте филиалы - Горький тимер юлының матбугат хезмәте.

Шулай ук укыгыз

Барлык яңалыклар