Яңалыклар
17.02.2020, 15:33
Казанның Идел буе районында урнашкан Вишневка бистәсендә котыру авыруы буенча карантин кертелде
Указны ТР Президенты Рөстәм Миңнеханов имзалады.
(Казан шәһәре KZN.RU, 17-нче февраль). Котыру авыруы буенча карантин Казанның Идел буе районындагы Вишневка бистәсендә кертелгән. Бистә территориясендәге хайваннарда котыру авыруы күзәтелгәнгә, мондый чаралар күрелде. Тиешле указга ТР Президенты Рөстәм Миңнеханов кул куйды.
Бистә территориясендә карантин гамәлдә булган чорда йорт хайваннары белән сәүдә итү, аларны карантин зонасыннан алып чыгу һәм кыргый хайваннарны тоту; котыру авыруы белән авыручы яки шикле хайваннарны иткә сугу; котыру авыруы белән авыручы хайваннардан савылган сөтне сату, куллану, бозауларга ашату; клиник сәламәт хайваннардан алынган, әмма тиешле тәртиптә дезинфекция узмаган тиреләрне карантин зонасыннан читкә чыгару тыела.
Карантин 17-нче февральдән билгеләнгән һәм хайваннарның котыру авыруы белән авыруының соңгы очрагыннан соң ике ай узгач юкка чыгарылырга тиеш.
Исегезгә төшерәбез, 2019 елда шәһәрнең дәүләт ветклиникаларында 16 меңнән артык мәче һәм эткә котыру авыруыннан прививка ясатылган, бу 2018 елга караганда 500-гә күбрәк. Кыргый җәнлекләрнең яшәү зоналарында белгечләр 12 мең доза вакцина таратканнар.
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
