Татарстанның почта бүлекчәләре 300-дән артык хезмәткәрне эшкә алырга әзер

Почта ташучылар һәм операторлар вакансияләре ачылды.

(Казан шәһәре KZN.RU, 14-нче апрель). Татарстанда «Татарстан почтасы» идарәсе почта бүлекчәләрендә эшләү өчен 300-дән артык вакансия ачылды. Эшкә урнашуга гаризаны коронавируска бәйле вәзгыять аркасында керем чыганагын югалтучылар бирә ала.

Үзизоляция режимы гамәлдә булган чорда почта бүлекчәләре хезмәткәрләре үз эшләрен дәвам итәләр. Хәзер «Татарстан почтасы» Федераль почта хезмәте идарәсендә даими нигездә 8 мең кеше эшли. Өстәмә рәвештә почта бүлекләре 300-дән артык хезмәткәрне кабул итәргә әзер, шул исәптән хат ташучы һәм оператор вазифасына, дип хәбәр итә компаниянең матбугат хезмәте.

Хезмәткәрләр рәсми рәвештә эшкә урнаштырылачак. Агымдагы хәлләргә бәйле рәвештә озак вакытлы ялда булучылар өчен төп эш белән берләштерү мөмкин. Хезмәткәрләр вазифасына почта бүлекчәләрендә клиентларга хезмәт күрсәтү, клиент ишегенә кадәр беренче кирәк булган посылкаларны һәм товарларны китерү, кәрәзле почта-касса терминалларын кулланып түләүләр кабул итү керәчәк.

Тулырак мәгълүмат алу өчен +7(843)221-18-98 һәм +7(843)221-18-68 телефоннары буенча, яисә контакт үзәге номеры буенча +7(800)200-28-84 шалтыратып (Россия буенча шалтырату бушлай), гариза калдырырга мөмкин.

Шулай ук укыгыз

Барлык яңалыклар