Яңа ел бәйрәмнәре вакытында Казан Башкарма комитеты хезмәткәрләре авыруларга дарулар илтә

Көн саен 12-шәр кеше кизү тора, алар авырулардан килгән гаризалар буенча баралар.

Фото: Денис Гордийко

(Казан шәһәре KZN.RU, 6-нчы гыйнвар). Казанда коронавирус белән авыручыларга дарулар китерү акциясе дәвам итә. Яңа ел бәйрәмнәре вакытында, 1-нче гыйнвардан 10-нчы гыйнварга кадәр, волонтерларга алмашка шәһәр Башкарма комитеты хезмәткәрләре килде.

1-нче гыйнвардан 10-нчы гыйнварга кадәр Казан волонтерлары каникулларда ял итә, шуңа күрә коронавирус белән авыручыларга ярдәмгә Башкарма комитет хезмәткәрләре килде. Көн саен 12-шәр кеше кизү тора, алар авырулардан килгән гаризалар буенча баралар. Әйтик, Яңа ел каникуллары чорында акциядә Башкарма комитетның һәм аның структур бүлекчәләренең якынча 120 хезмәткәре катнашачак.

Исегезгә төшерәбез, Россия Президенты Владимир Путин йөкләмәсе буенча ил хөкүмәте дару препаратлары сатып алуга федераль бюджеттан акча бүлеп биргән. Алар белән түләүсез нигездә өйдә медицина ярдәме алучы коронавирус инфекциясе белән авыручыларны тәэмин итәргә тиешләр. Татарстан Республикасына 146 млн сум акча бүленгән.

Үзендә кискен респиратор-вируслы инфекцияләр симптомнарын сизгән пациентлар табибны өйгә чакырта. Әгәр дә доктор коронавирус инфекциясен фаразласа, тиешле препаратларны яза. Даруга гариза даруханәгә килә, анда әлеге пациент өчен комплект формалаша. Комплект әзер булган саен, волонтерлык штабы башлыгы даруханәдән даруларны ала һәм волонтерларны кирәкле адреслар буенча җибәрә. Китереп җиткерү комплектны даруханәдән алган вакыттан алып берничә сәгать эчендә башкарыла.

Дарулар контактсыз метод белән тапшырыла. Үзирекле кеше пакетны ишек тоткасына элә, кыңгырау төймәсенә баса һәм 3 метрдан артыграк ераклыкка читкә китә. Тапшыру фактын раслау өчен ерактан дару белән пациентның фотосурәте ясала.

Шулай ук укыгыз

Барлык яңалыклар