Горький паркында күргәзмәдә «Яшь профессионаллар» X милли чемпионаты җиңүчеләренең фотолары тәкъдим ителде

Татарстан җыелма командасы гомумкоманда зачетында икенче урынны алды.

Фото: ТР Һөнәри компетенцияләрне үстерү үзәгенең матбугат хезмәте

(Казан шәһәре KZN.RU, 15 нче ноябрь). Горький паркында «Яшь профессионаллар – 2022» X милли чемпионаты финалында җиңүчеләрнең фотосурәтләре күргәзмәсе ачылды. Экспозицияне 1 нче декабрьгә кадәр карарга мөмкин.

ТР Һөнәри компетенцияләрне үстерү үзәгенең матбугат хезмәте хәбәр иткәнчә, финал 8-12 нче сентябрьдә Саранскида узды. Татарстан конкурсантлары 34 алтын, 39 көмеш һәм 38 бронза медаль яулады. Шулай ук 55 катнашучы һөнәри осталыгы өчен медальоннар белән бүләкләнде. Чемпионат нәтиҗәләре буенча республика җыелма командасы гомумкоманда зачетында икенче урынны алды.

Ярышларда Татарстаннан өлкәннәр һәм юниорлар категорияләрендә 96 конкурсант һәм 74 эксперт катнашты. Катнашучылар «Төзелеш һәм төзелеш технологияләре», «Транспорт һәм логистика», «Җитештерү һәм инженерлык технологияләре», «Мәгълүмати һәм коммуникацион технологияләр», «Иҗат һәм дизайн», «Мәгариф» һәм «Хезмәт күрсәтү өлкәсе» юнәлешләрендә ярыштылар.

Шулай ук укыгыз

Барлык яңалыклар