Горький паркында һәм Кремль яр буенда Белем көнен билгеләп үтәчәкләр

Бәйрәмнең нәни кунаклары өчен актив уеннар, аквагрим зонасы, мастер-класслар, вокал һәм бию программасы, флешмоб оештырылачак.

Фото: Казан шәһәре KZN.RU

(Казан шәһәре KZN.RU, 1 нче сентябрь). Бүген, Белем көнендә, Горький паркында һәм Кремль яр буенда анимацион-күңел ачу программасы узачак. Бәйрәмнең яшь кунаклары өчен актив уеннар, аквагрим зонасы, мастер-класслар, вокал һәм бию программасы, шулай ук флешмоб оештырылачак.

Горький паркында бәйрәм 15:00 сәгатьтә башлана. Укучылар ата-аналар белән бергә хәрәкәтчән уеннар уйный, бии һәм флешмобта катнаша алачак. Иҗади дәресләрдә балалар котлау тәбрикләмәләре, китап кыстыргычлары, оригами ясый, пластилин әвәли, рәсем ясый алачаклар. Бәйрәм программасы паркның яшел кырында оештырылачак, дип хәбәр итә Казанның парклар һәм скверлар дирекциясе матбугат хезмәте.

15:30 сәгатьтә Кремль яр буенда «Беренче сыйныфка багышлау» программасы башланачак.
Мастер-класс мәйданчыкларында яшь укучылар «нурлы кристалллар» үстерәчәк,
бомба-шипучкалар, сабын һәм башка эшләнмәләр ясаячаклар. Аквагрим һәм хна
картиналары зонасы да эшләячәк, дип хәбәр ителә «Вконтакте» социаль
челтәрендәге «Кремль яр буе» берләшмәсендә. 16:00 сәгатьтә пирста вокал һәм бию
коллективлары чыгышы башлана, программа белән сылтама буенча таныша аласыз.

Шулай ук укыгыз

Барлык яңалыклар