Казанның җәмәгать транспортында битлек режимы үтәлешен тикшерүләр дәвам итә

Казанның җәмәгать транспортында битлек режимы үтәлешен тикшерүләр дәвам итә

<p> </p> <div class="detail-picture"> <img src="https://www.kzn.ru/upload/iblock/999/DEN_0776.jpg"> <p class="detail-picture__caption"> Фото: Денис Гордийко </p> </div> <br> <p> </p> <p> (Казан шәһәре KZN.RU, 8-нче октябрь). Казанда җәмәгать транспортында битлек режимын үтәү буенча тикшерүләр дәвам итә. Бүген транспорт комитеты хезмәткәрләре «Метроэлектротранс» МУП куркынычсызлык хезмәте һәм башка транспорт предприятиеләренең контроль-ревизия хезмәтләре белән бергә, пассажирларның җәмәгать транспортында  Россия кулланучылар хокукларын яклау һәм кеше иминлеге өлкәләрендә күзәтчелек федераль хезмәте таләпләрен ничек үтәүләрен <a href="https://cloud.mail.ru/public/3b4x/2RAjvY91x" target="_blank">тикшерде</a>. Бу юнәлештә эшне көчәйтүне Татарстан Республикасы Президенты Рөстәм Миңнеханов һәм Казан мэры Илсур Метшин йөкләде. </p> <p> Метрода кергәндә полиция хезмәткәрләре пассажирларга битлек кияргә кирәклеге турында искәртә, алардан башка җир кичүенә кертмиләр. Транспорт комитетында билгеләп үтүләренчә, кагыйдәләрне боза торган пассажирлар бар. Керү контролен үтеп, алар битлекне платформада яки поезд вагонында төшерәләр. Көн саен пассажирларның гомуми саныннан 1-2% закон бозучылар теркәлә. </p> <p> «Метроэлектротранс» МУП платформаларда һәм поездларда контрольне көчәйтте. Станцияләр һәм вагоннарда ревизор- хезмәткәрләр йөри һәм  Россия кулланучылар хокукларын яклау һәм кеше иминлеге өлкәләрендә күзәтчелек федераль хезмәте таләпләрен бозучы пассажирларны кисәтә. Әгәр пассажир битлек киюдән баш тартса, аңа штраф яный. Битлек режимын бозучыларны шулай ук вагоннарда һәм станцияләрдә урнаштырылган камералар да терки. Битлексез пассажирларны чыгу юлында инде полиция хезмәткәрләре көтә. </p> <p> Транспорт комитеты хезмәткәрләре транспорт предприятиеләренең контроль-ревизия хезмәтләре белән берлектә автобус пассажирларының битлек режимын ничек үтәүләрен тикшерделәр. Хокук бозучыларны «Тукай мәйданы» тукталышында ачыкладылар. Тикшерү күрсәткәнчә, хокук бозучы пассажирларның саны узган атна белән чагыштырганда кимеде. Бүген автобуста битлексез яки битлекне төшереп 2-3 кеше генә йөри. </p> <p> Пассажир йөртүчеләр ягыннан машина йөртүчеләргә һәм кондукторларга карата контроль көчәйтелде. Автотранспорт предприятиеләреннән контролерлар маршрутларда йөриләр һәм хезмәткәрләрнең Россия кулланучылар хокукларын яклау һәм кеше иминлеге өлкәләрендә күзәтчелек федераль хезмәтенең таләпләрен ничек үтәүләрен тикшерәләр, дип хәбәр итә транспорт комитеты. </p>

2020-10-08T17:20:00+0300