Ноябрь бәйрәмнәрендә Казань белән Мәскәү арасын өстәмә поездлар бәйләячәк

Татарстан башкаласыннан өстәмә рейслар Екатеринбургка да билгеләнгән.

(Казан шәһәре KZN.RU,1-нче ноябрь). Ноябрь бәйрәмнәрендә Казань белән Мәскәү арасында өстәмә поездлар йөриячәк. Рейслар 1-6 ноябрьдә билгеләнгән.

Татарстан башкаласын Мәскәү белән түбәндәге поездлар бәйли:

271/272 номерлы Казан – Мәскәү поезды 1, 4 һәм 5 ноябрьдә 19.40 сәгатьтә Мәскәүгә кузгала. Мәскәүдән поезд 1, 2, 5 һәм 6 ноябрьдә шулай ук 19.40 сәгатьтә кузгала.

275/276 номерлы Казан – Мәскәү поезды Казаннан 1 һәм 2 ноябрьдә 01.30 сәгатьтә китә һәм Мәскәүгә 15.57 сәгатьтә килеп җитә. Мәскәүдән поезд 2 һәм 3 ноябрьдә 01.20 сәгатьтә кузгала һәм Казанга 13.35 сәгатьтә килеп җитә.

295 номерлы Казан – Мәскәү поезды 5 ноябрьдә 15.50 сәгатьтә кузгала һәм Россия башкаласына 6 ноябрьдә 04.10 сәгатьтә килеп җитә.

268/267 номерлы Мәскәү – Казан поезды 3 ноябрьдә 01.50 сәгатьтә кузгала һәм Казанга 15.48 сәгатьтә килеп җитә. Татарстан башкаласыннан поезд 5 ноябрьдә 14.00 сәгатьтә китә һәм 6 ноябрьдә 04.00 сәгатьтә Мәскәүгә килеп җитә.

206 номерлы Мәскәү – Казан поезды рейска 1 ноябрьдә 17.48 сәгатьтә чыгып китә, икенче көнне 06.57 сәгатьтә Мәскәүгә килеп җитә.

206/205 номерлы Мәскәү – Казан поезды илебез башкаласыннан 3 ноябрьдә 01.30 сәгатьтә кузгала һәм Казанга 14.43 сәгатьтә килеп җитә. 5 ноябрьдә ул Казаннан 09.10 сәгатьтә кузгала һәм Мәскәүгә 21.35 сәгатьтә килеп җитә.

Татарстан башкаласына шулай ук Екатеринбургтан өстәмә поездлар билгеләнгән. 224/223 номерлы Екатеринбург – Казан поезды юлга 2 ноябрьдә 19.30 сәгатьтә кузгала һәм Казанга 3 ноябрьдә 10.50 сәгатьтә килеп җитә. Татарстан башкаласыннан поезд 4 ноябрьдә 19.58 сәгатьтә китә һәм Екатеринбургка 5 ноябрьдә 10.12 сәгатьтә килеп җитә.

Поездлар җәдвәле турында тулырак 8-800-775-00-00 телефоны буенча бердәм мәгълүмат-сервис үзәгендә, шулай ук “Россия тимер юллары” ААҖ рәсми сайтында белеп була, дип хәбәр итә Горький тимер юллары – “Россия тимер юллары” ААҖ матбугат хезмәте.

Шулай ук укыгыз

Барлык яңалыклар