Яңа ел бәйрәмнәрендә Казанда почта бүлекчәләре һәм «Минем документлар» офислары үзгәргән график буенча эшләячәк

31-нче декабрьдә почта эшләмәячәк, тәүлек буе эшләү бүлекләре 1-нче гыйнвардан эшне яңартачак.

Фото: Казан шәһәре KZN.RU

(Казан шәһәре KZN.RU, 25-нче декабрь). Яңа ел бәйрәмнәрендә Казанда почта бүлекчәләре һәм «Минем документлар» офислары үзгәргән график буенча эшләячәк.

Әйтик, 31-нче декабрьдә бөтен ил буйлап почта бүлекләре бер сәгатькә иртәрәк ябылачак. Тәүлек әйләнәсе эшли торган бүлекләр 1-нче гыйнвар 10.00 сәгатьтә эшли башлаячак, ә калган барлык бүлекләр өчен 1-нче, 2-нче һәм 7-нче гыйнвар ял көннәре булачак. Бу көннәрдә почтальоннар почта җибәрүләрен һәм вакытлы матбугат басмаларын китермәячәк. Пенсия һәм пособиеләр, конкрет төбәкләрнең үзенчәлекләрен исәпкә алып, Россия Пенсия фондының төбәк бүлекләре белән килештерелгән график буенча түләнәчәк.

3-нче, 4-нче, 5-нче, 6-нчы, 8-нче, 9-нчы һәм 10-нчы гыйнварда барлык почта бүлекчәләре гадәти график буенча эшләячәк.

Бүлекләрнең эш графигын белешергә яки картада якындагы ачык почта бүлеген табарга pochta.ru сайтында яки компаниянең мобиль кушымтасында мөмкин.

Моннан тыш, 31-нче декабрьдән 10-нчы гыйнварга кадәр Татарстандагы «Минем документлар» офислары өчен ял көннәре булачак. Бу якшәмбедә, 27-нче декабрьдә, Казанда Күп функцияле үзәкләр эш көнен 1 сәгатькә – 9.00 сәгатьтән 17.00 сәгатькә кадәр кыскартып эшләячәк, дип хәбәр итә ТР Финанслар министрлыгы матбугат хезмәте.

Шулай ук укыгыз

Барлык яңалыклар