Яңа ел бәйрәмнәрендә 8 казанлы пиротехника кулланган вакытта тән җәрәхәтләре алды

Зыян күрүчеләр арасында - бер бала.

(Казан шәһәре KZN.RU, 9-нчы гыйнвар, Алинә Бережная). Яңа ел бәйрәмнәрендә Казанның 8 кешесе пиротехника әйберләрен кулланган вакытта төрле тән җәрәхәтләре алган. Зыян күрүчеләр арасында бер бала да бар. Бу хакта бүген ТР Министрлар Кабинетында узган брифингта ТР буенча Эчке эшләр министрлыгының полиция башлыгы урынбасары Фәргать Мөхәммәтҗанов һәм Гадәттән тыш хәлләр министрлыгының ТР буенча Баш идарәсе башлыгы урынбасары Сергей Сергеев хәбәр итте.

Фәргать Мөхәммәтҗанов яңа ел бәйрәмнәре чорында пиротехника әйберләрен сату урыннары хокук саклау органнары игътибарында булуын сөйләде. Тулаем алганда, республика буенча тәртип сакчылары 700-дән артык рейд үткәргән һәм 280 эшләнмә алган.

Сергей Сергеев искәртеп узганча, Татарстанда 20 декабрьдән 9 гыйнварга кадәр махсус янгынга каршы режим гамәлдә. Ул фейерверк һәм петардаларны махсус урыннарда яндыруны күздә тота. Казанда пиротехника эшләтеп җибәрү өчен 4 мәйданчык билгеләнгән.

Шулай ук укыгыз

Барлык яңалыклар