Яңа ел каникулларында шәһәр буйлап «Кыш бабайның тылсымлы трамвае» йөриячәк

Пассажирлар бизәлгән трамвайда 1–6 гыйнварда йөри ала

Денис Гордийко фотосы

Татарстан башкаласында 7 нче номерлы трамвай маршруты буенча «Кыш бабайның тылсымлы трамвае» йөриячәк. Шәһәрлеләр бәйрәмчә бизәлгән транспортта 1 гыйнвардан 6 гыйнварга кадәр йөри алачак.

Яңа ел трамвае көн саен 16:00 сәгатьтән 17:30 га кадәр йөриячәк. Теләге булган һәр кеше Кыш Бабай һәм Кар Кызы белән очраша, истәлекле фотога төшә һәм караоке-баттлда катнаша алачак. Трамвай маршрут буенча барлык тукталышларда да тукталачак, дип хәбәр итә шәһәрнең Мәдәният идарәсе.

Тылсымлы трамвайның йөрү юлы:

Тимер юл вокзалы;
Серов урамы;
Фатыйх Әмирхан проспекты;
Ветеринария академиясе;
Академик Арбузов урамы;
Академик Сахаров урамы;
Җиңү проспекты;
«Солнечный город» торак массивы;
Глазунов урамы (кире юнәлеш өчен старт ноктасы).

Исегезгә төшерәбез, Казанда «Казанда Кыш» проекты кысаларында 500 гә якын яңа ел чарасы узачак. Республика башкаласында яшәүчеләр һәм кунаклар өчен флешмоблар, театральләштерелгән тамашалар һәм гаиләләр өчен музыкаль чыгышлар оештырыла.

KZN.RU порталында «Казанда Яңа ел – 2026» бүлеге барлыкка килде. Биредә бәйрәм яллары турында тулы актуаль мәгълүмат тупланган. Бүлектә казанлылар мәдәни чаралар программасы, шугалакларның һәм чаңгы базаларының эш графигы белән таныша ала.

Шулай ук укыгыз

Барлык яңалыклар