Яңа ел каникулларында Казанны Мәскәү һәм Санкт-Петербург белән өстәмә поездлар тоташтырачак

Составлар 23 нче декабрьдән 9 нчы гыйнварга кадәр гамәлдә булачаклар.

Фото: Денис Гордийко

(Казан шәһәре KZN.RU, 25 нче ноябрь). Яңа ел каникулларында Казанны Мәскәү һәм Санкт-Петербург белән өстәмә поездлар бәйләячәк. Составлар 23 нче декабрьдән 9 нчы гыйнварга кадәр йөриячәк.

Өстәмә поездларга билетлар әкренләп сатуга чыгачак. Аларны тимер юл кассаларында, вокзалларда үз-үзеңә хезмәт күрсәтү терминалларында, «Россия тимер юллары» ААҖ рәсми сайтында һәм «Россия тимер юллары – пассажирларга» мобиль кушымтасы ярдәмендә сатып алырга мөмкин.

Россия буенча яңа ел каникулларында 4,5 млн пассажир сыйдырышлы 1 меңгә якын өстәмә поезд йөриячәк, дип хәбәр итә «Россия тимер юллары» ААҖ матбугат хезмәте.

Шулай ук укыгыз

Барлык яңалыклар