Яңа ел каникулларында Казан белән Сыктывкарны авиарейслар тоташтырачак

Яңа ел каникулларында Казан белән Сыктывкарны авиарейслар тоташтырачак

<p> </p> <div class="detail-picture"> <img src="https://kzn.ru/upload/iblock/637/637fb9b125f1795212034eac25a9cb77.jpg"> <p class="detail-picture__caption"> Фото: Екатерина Красуцкая </p> </div> (Казан шәһәре KZN.RU, 14 нче декабрь). Яңа ел каникулларында Казан белән Сыктывкар арасында туры авиарейслар эшли башлаячак, алар шушы чорда гына гамәлдә була. Очышлар 50 пассажирга кадәр сыйдырышлы Bombardier CRJ 100/200 Канада самолетларында башкарылачак.<br> <p> </p> <p> Ике якка да очышлар 4 нче, 8 нче һәм 11 нче гыйнварга планлаштырылган. Пәнҗешәмбе көннәрендә самолетлар Казаннан 21:10 сәгатьтә китәчәк, 22:35 сәгатьтә төшәчәк. Дүшәмбегә рейс 20:45 сәгатькә билгеләнгән, килү 22:10 сәгатькә планлаштырылган. Кире юнәлештә пәнҗешәмбе көнне авиалайнерлар 23:35 сәгатьтә очачак, 1:10 сәгатьтә җиргә төшәчәк. Дүшәмбе көнне Самолет Сыктывкардан 23:10 сәгатьтә китәчәк, 0:45 сәгатьтә киләчәк. </p> <p> Юл вакыты 1 сәгать 35 минут тәшкил итәчәк. Һәр аэропорт өчен җирле вакыт күрсәтелгән, дип хәбәр иттеләр «РусЛайн» авиакомпаниясенең матбугат хезмәтендә. </p> <p> Исегезгә төшерәбез, элегрәк Казан аэропортыннан Мисырга яңа авиарейслар <a target="_blank" href="https://kzn.ru/meriya/press-tsentr/novosti/iz-kazanskogo-aeroporta-zapustili-novye-aviareysy-v-egipet/">җибәрелгән иде</a>. Очышлар Шарм-эш-Шейх һәм Хургадага башкарыла. </p>

2023-12-14T11:36:31+0300