13 гыйнварга каршы төндә Казанда 26 градуска кадәр суытачак

13 гыйнварга каршы төндә Казанда 26 градуска кадәр суытачак

<p> (Казан шәһәре KZN.RU, 12-нче гыйнвар). Киләсе тәүлектә Казанда аязучан болытлы һава, төньяк-көнбатыштан салмак җил булачак. Явым-төшем көтелми. Юлларда – бозлавык. </p> <p> 13 гыйнарда төнлә һәм иртән 21-23 градус салкын булачак, аяз вакытларда термометр баганалары минус 26 градус күрсәтәчәк. Көндез һаваның максималь температурасы минус 16-18 градус булачак. </p> <p> 14 һәм 15 гыйнварда Татарстанда аязучан болытлы һава көтелә, урыны белән кар явачак. Көнбатыштан салмак җил исәчәк. Шимбәдән якшәмбегә каршы төндә һаваның минималь температурасы – минус 16-21 градус, аяз вакытларда минус 26 градуска кадәр тәшкил итәчәк. Якшәмбе көндез максималь температура – минус 8-13 градус. Шундый ук температура 14 гыйнвардан 15 гыйнварга каршы төндә сакланачак, аяз вакытларда минус 18 градус булачак. Дүшәмбе көндез Татарстанда минус 6-11 градус булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе. </p>

2018-01-12T15:34:31+0300