13 декабрьгә каршы төндә Казан урамнарын җыештыруга 294 махсус техника берәмлеге чыгачак

Юл хезмәтләре казанлыларга автомобильләрен юлда калдырмаска киңәш итә.

(Казан шәһәре KZN.RU, 12-нче декабрь). 13 декабрьгә каршы төндә Казан урамнарын кардан чистартуда 56 юл эшчесе һәм 294 махсус техника берәмлеге, шул исәптән 93 катнаш юл машиналары (КДМ), 64 үзбушаткыч, 60 трактор щеткасы, 29 фронталь төягеч, 16 "Барсик" мини-төягече, 13 кар төягеч, 14 грейдер һәм башка төр техника җәлеп ителәчәк.

Юл хезмәтләре казанлыларга үзләренең автомобильләрен юл читендә калдырмаска киңәш итәләр, алар махсус техника эшенә комачауларга мөмкин.

Карны түбәндәге урамнардан чыгару планлаштырыла: Батурин ур. (К.Маркс урамына кадәр, ике як та), Большая Красная ур. (Толстой урамыннан Батурин урамына кадәр, ике яктан да), Петр Витер ур., Горький ур. (Пушкин урамыннан К.Маркс урамына кадәр, ике яктан да), Карл Маркс ур. (Батурин урамыннан Н.Ершов урамына кадәр, ике як та), Сул як Болак ур. (Ярминкә мәйданыннан Пушкин урамына кадәр, ике яктан да), Уң як Болак ур. (Пушкин урамыннан Ярминкә мәйданына кадәр, ике яктан да), Универсиада пр., Ферма шоссесы, Ярминкә мәйданы (Ленин дамбасыннан Болакка кадәр, ике яктан да), шулай ук Танк боҗрасы.

Башка участокларда катнаш юл машиналары һәм трактор щеткалары, шулай ук ротор һәм грейдерлар эше башкарылачак, дип хәбәр итәләр шәһәрнең Тышкы төзекләндерү комитетында.

Шулай ук укыгыз

Барлык яңалыклар