«Метроэлектротранс» кышка 87 трамвай һәм махсус техника әзерләде

«Метроэлектротранс» кышка 87 трамвай һәм махсус техника әзерләде

<p> Советлар Союзы Герое И.К.Кабушкин исемендәге трамвай депосында кышкы сезонга әзерлек төгәлләнә – «Метроэлектротранс» МУП белгечләре линиягә көн саен чыга торган 87 трамвайны тикшергәннәр. Күчмә составларда тиешле ремонт эшләре башкарылган. </p> <p> Депо хезмәткәрләре трамвай түбәләрен махсус мастика белән эшкәрткәннәр, ишекләрне көйләгәннәр, җылыту һәм яктырту системаларын тикшергәннәр, шулай ук тәгәрмәч парларын ремонтлаганнар. Барлык узеллар һәм агрегатлар төзек булырга тиеш: алар өчен салкыннар – иң катлаулы чор. </p> <p> Махсус техникага да игътибар бирелде – кышкы чорда линияләрдә кар чистарту өчен алты махсус «ВТК-01» кар җыю вагоны эшләячәк. «Снегурки» дип аталучылар инде 30 елдан артык файдаланыла. Техника трамвай юлларын щеткалы вал ярдәмендә чистарта. </p> <p> Кар җыю техникасы кичке һәм төнге вакытта, шулай ук кирәк булганда – көндез, кар күп яуган вакытта эшләячәк, дип хәбәр иттеләр «Метроэлектротранс» матбугат хезмәтендә. </p> <p>   </p>

2024-10-25T13:10:00+0300