Азино микрорайонында ике яңа җәмәгать транспорты тукталышы барлыкка киләчәк

Үзгәрешләр 3, 9, 12-нче номерлы троллейбуслар һәм 30, 77-нче номерлы автобуслар маршрутларына кагылачак.

(Казан шәһәре KZN.RU, 8-нче ноябрь). Казанның Азино микрорайонында ике яңа тукталыш пункты барлыкка киләчәк. Алар Академик Сахаров һәм Хәйдәр Бигичев урамнарында урнашачак.

16-нчы ноябрьдән Х.Бигичев урамындагы 8-нче номерлы йорт янында ике юнәлештә дә «185-нче номерлы балалар бакчасы» һәм Академик Сахаров урамындагы 24-нче номерлы йорт янында Җиңү проспекты юнәлешендә «Академик Сахаров урамы» дигән тукталыш пунктлары кулланылышка кертеләчәк, дип хәбәр итә Казанның Транспорт комитеты.

Әлеге тукталыш пунктлары аша 3, 9, 12-нче номерлы троллейбуслар һәм 30, 77-нче номерлы автобуслар маршрутлары уза.

Шулай ук укыгыз

Барлык яңалыклар