Халыкара гаилә көнендә Р.Миңнеханов һәм И.Метшин Казанда яшәүче Петровлар гаиләсендә булдылар

Республика башлыгы һәм шәһәр башлыгы Бөек Ватан сугышы ветераннарына озын гомер теләде.

(Казан шәһәре KZN.RU, 15-нче май). Бүген Татарстан Республикасы Президенты Рөстәм Миңнеханов һәм Казан Мэры Илсур Метшин Бөек Ватан сугышы ветераннары Галина Михайловна һәм Николай Александрович Петровлар гаиләсендә булдылар. Республика башлыгы һәм шәһәр башлыгы аларны Җиңүнең 75 еллыгы һәм Халыкара гаилә көне белән котлады.

Ата-аналарын котларга ике кызы - Ирина Николаевна Петрова һәм Лариса Николаевна Петрова да килгән.

Рөстәм Миңнеханов Петровлар парын гаилә тормышларының юбилее белән котлады, аны алар узган ел билгеләп үткәннәр. Татарстан Президенты билгеләп үткәнчә, хәзерге дөньяда гаилә дәүләт һәм җәмгыять иминлегенең нигезе булып кала бирә, һәр кешенең тормышы нәкъ менә гаиләдән башлана, бу - мәхәббәт, хөрмәт һәм бәйлелек чыганагы.

«Сезнең бергә үткән тормышыгызга гади булмаган чорлар туры килгән, алар аша сез бер-берегезгә карата мәхәббәтегезне һәм ихтирамыгызны алып чыга алдыгыз, матур балалар тәрбияләдегез һәм оныклар тәрбияләүне дәвам итәсез, бу бик зур кыйммәткә ия», - диде Рөстәм Миңнеханов, Николай Александровичка һәм Галина Михайловнага мөрәҗәгать итеп.

Татарстан башлыгы Петровлар гаиләсенә бер-берсенә карата мәхәббәт һәм хөрмәт белән яшәргә, гаилә кыйммәтләрен сакларга дигән теләк теләде. «Сезгә оптимизм, рух күтәренкелеге һәм озын гомер телим», - дип өземтә китерә ТР Президенты матбугат хезмәте.

Шулай ук укыгыз

Барлык яңалыклар