Казан халыкара аэропортында яңа терминал ачылачак

Казан халыкара аэропортында яңа терминал ачылачак

<p> </p> <div class="detail-picture"> <img src="https://kzn.ru/upload/iblock/199/19980a8566ae706d64e32bb183a392c9.jpg"> <p class="detail-picture__caption"> Фото: Екатерина Красуцкая  </p> </div> <p> (Казан шәһәре KZN.RU, 14 нче сентябрь, Камилә Вилданова). Яңа терминал Казанның Габдулла Тукай исемендәге халыкара аэропортында барлыкка киләчәк. Аның төзелешен киләсе елда башлау планлаштырыла. </p> <p> «Безнең тарафтан Казанның Тукай исемендәге халыкара аэропортында терминал төзү турында карар кабул ителде, эшне киләсе елда ук башлап җибәрергә кирәк», – диде республика Рәисе Рөстәм Миңнеханов ТР Дәүләт Советына юллама укыганда.  </p> <p> Быел аэропорт биш миллионнан артык пассажирга хезмәт күрсәткән инде.  </p> <p> Моннан тыш, ТР Рәисе хәбәр иткәнчә, якын арада авиапаркны С.П.Горбунов исемендәге Казан авиация заводы җитештергән яңа Ту-214 самолетлары белән тулыландыру планлаштырыла. Бүгенге көндә Татарстанның «ЮВТ-Аэро» авиакомпаниясе республика аэропортларыннан 40 маршрут буенча оча, дип билгеләп үтте Рөстәм Миңнеханов. </p>

2023-09-14T11:42:00+0300