Татарстан мәчетләрендә 5 июньнән җәмәгать белән намаз укулар яңадан үз көченә керәчәк

Мәхәллә кешеләре шәхси саклану чараларын - битлекләр һәм перчаткалар киеп йөрергә тиеш.

(Казан шәһәре KZN.RU, 4-нче июнь). 5-нче июньнән Татарстан мәчетләренең мәхәлләләренә эшчәнлекләрен яңадан башлап җибәрергә рөхсәт ителә. Мондый карарны ТР Министрлар Кабинетының 3 июньнән үзгәрешләр кертелгән карары нигезендә Татарстан мөселманнары Диния нәзарәте кабул итте.

Җәмәгать белән намаз укуга чикләүләр эпидемиягә каршы кагыйдәләрне үтәү шарты белән төшерелә, ягъни гыйбадәт бүлмәләренә шәхси саклану чараларыннан - битлек һәм перчаткадан кулланучыларны, шулай ук шәхси намазлыгы булганнарны гына кертү.

Мәхәллә кешеләре ким дигәндә 1,5 м социаль дистанция үтәргә тиеш. Гыйбадәт кылу залының мәйданы 400 кв.метрдан артык булган мәчетләргә бинага бер үк вакытта 100-гә кадәр кешене кертергә мөмкин, ә җомга намазы вакытында мәчеттә буш урыннар булмаган очракта, дин тотучыларга мәчет яны территориясендә гыйбадәт кылу мөмкинлегеннән файдалану киңәш ителә.

Шулай ук республикада күпсанлы кешеләр катнашында мәҗлесләр, никахлар һәм исем кушу йолалары үткәрүгә чикләүләрне озайтачаклар, дип хәбәр итә ТР мөселманнары Диния нәзарәте матбугат хезмәте.

Үз сәламәтлеге өчен кайгырган, иммунитетлары көчсез булган кешеләргә, шулай ук 65 яшьтән өлкәнрәк кешеләргә элеккечә мәчетләргә йөрүдән тыелырга киңәш ителә.

Шулай ук укыгыз

Барлык яңалыклар