Яңалыклар
15.02.2023, 14:05
Март аенда Казанда Анжела Вавилова исемендәге фондның 20 еллыгына багышланган хәйрия концерты узачак
Билетлар сатудан кергән акчаларны икенче хоспис төзелешенә юнәлтәчәкләр.
Фото: Денис Гордийко
(Казан шәһәре KZN.RU, 15 нче февраль). 27 нче мартта С.Сәйдәшев исемендәге дәүләт Зур концертлар залында Казан хосписына ярдәм йөзеннән хәйрия концерты узачак. Чара Анжела Вавилова исемендәге фондның 20 еллыгына багышланган.
Сәхнәдә Россия һәм чит ил кинофильмнарыннан көйләр яңгыраячак. Тамашачылар алдында «Звезды из Завтра» республика иҗади программасының яшь катнашучылары – Алексей Романов, Азалия Яфәсова, Арпинэ Манукян һәм Муса Яхин чыгыш ясаячак. Дирижер сыйфатында La Primavera Казан камера оркестры сәнгать җитәкчесе Рөстәм Абязов чыгыш ясаячак, концерт программасын әзерләүче дә – ул.
Керү билетлар буенча булачак. Җыелган акчалар Казанда икенче хоспис төзелешенә тотылачак. Эшләр тәмамланганнан соң биредә 60 койкага исәпләнгән олылар паллиатив бүлеге барлыкка киләчәк, ә беренче хосписта балалар бүлеген киңәйтәчәкләр, дип хәбәр итә Анжела Вавилова исемендәге фондның матбугат хезмәте.
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
