Мартта Казанда 700 юл билгесе тәртипкә китерелде һәм куелды

Шул ук вакытта шәһәрдә 141 светофорның эшен көйләделәр.

Фото: Денис Гордийко

(Казан шәһәре KZN.RU, 4 нче апрель). Мартта Казанда 700 юл билгесе урнаштырылды һәм тәртипкә китерелде. Бу бер ай элек белән чагыштырганда 100 гә күбрәк.

Эшләр 32 гариза буенча һәм «Юл хәрәкәте идарәсенең автоматлаштырылган системасы» муниципаль казна учреждениесе мониторингы нәтиҗәләре буенча башкарыла. Бер ай эчендә шәһәрдә 46 юл билгесе торгызылган һәм алыштырылган, тагын 242 се төзәтелгән, ә 245 конструкция рөхсәтсез рекламадан һәм граффитидан чистартылган. Шулай ук юл хәрәкәте идарәсенең автоматлаштырылган системасы хезмәткәрләре 167 яңа юл билгесе урнаштырган.

Шул ук вакыт эчендә Казанда 141 светофорның эшен көйләделәр. Төзек булмаган светофорлар турында юл җайланмаларында урнаштырылган QR-кодлар ярдәмендә хәбәр итәргә мөмкин. Гаризаны калдыру өчен камераны QR-кодка якын китерергә, аннан соң ачылган сылтама буенча чат-ботка күчәргә кирәк. Мөрәҗәгать исәпкә алу системасына җибәрелә һәм шунда ук эшкә алына.

Моннан тыш, юл хәрәкәте идарәсенең автоматлаштырылган системасы хезмәткәрләре юл контролерының 25 шкафын тәртипкә китерделәр – вандаллар аларны граффити белән бозган, дип хәбәр итә Казан Башкарма комитетының Транспорт комитеты.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар