Казан Кремленең «Манеж»ында музыкаль кичәләр циклы старт ала

Казан Кремленең «Манеж»ында музыкаль кичәләр циклы старт ала

<p> </p> <div class="detail-picture"> <img src="https://kzn.ru/upload/iblock/97a/DSC05655_870.jpg"> <p class="detail-picture__caption"> Фото: «Казан Кремле» музей-тыюлыгы матбугат хезмәте  </p> </div> <p> (Казан шәһәре KZN.RU, 21 нче декабрь). Казан Кремлендә «Манежда музыкаль кичәләр» концертлар циклы башлана. Аларның беренчесе Раштуага багышланган, ул 25 нче декабрьдә узачак. </p> <p> Программада Көнбатыш Европа композиторлары Мария Терезия фон Парадис, Антонин Дворжак, Вольфганг Моцарт, Феликс Мендельсон һәм Франц Шуберт музыкалары яңгыраячак.  </p> <p> Әсәрләрне «Казан триосы» камера ансамбле башкарачак. Аңа халыкара конкурслар лауреатлары, ТР Дәүләт академия симфоник оркестры артистлары – скрипкачы Асия Гәрәева, виолончелист Александр Дульнев һәм Н.Г.Җиһанов исемендәге Казан дәүләт консерваториясе педагогы Татьяна Максимова керә, ул фортепианода уйный.  </p> <p> Концерт 14:00 сәгатьтә «Манеж» күргәзмәләр залында башланачак, керү билетлар буенча башкарылачак, дип хәбәр итә «Казан Кремле» музей-тыюлыгы матбугат хезмәте. Тулырак +7(843)567-80-67, +7(843)567-80-68 телефоннары буенча белергә мөмкин. </p>

2022-12-21T10:24:08+0300